صباحـ الخير على الورد اللي فتح في جناين مصر
صباحـ العندليب يشدي بألحان السبوع يامصر
صباح الداية واللفة .. ورش الملح في الزفة
صباح يطلع بأعلامنا من القلعة لباب النصر
سلامتكـ يامه يامهرة
ياحبالة يا ولادة
يا ست الكل يا طاهرة
سلامتكـ من الام الحيض
من آلحرمآن
من آلقهرة
سلامة نهدكـ المرضع
سلامة بطنكـ الخضرا
هناكي وفرحة الوالدة
تضمي الولد ياوالدة
يصونهم لكـ ويحميهمـ
يكترهمـ يخليهمـ
يجمع شملهمـ بيكي
يتمم فرحتكـ بيهمـ
صباح الخير على ولادكـ
صباح الياسمين والفل
تعيشي ويفنوا حسادك
ويسقوهم كاسات الذل
وياللي في الطريق جايين
مادامت مصر ولادة
وفيها الطلق والعادة
هتفضل شمسها طالعة
برغم القلعة والزنازين
...~ أحمد فؤاد نجم
ليست هناك تعليقات:
إرسال تعليق