فهمني .. شكرا

أحيان كتير باتخيل ان فيه خدمة في الموبايل اسمها فهمني شكرا .. ياسلام لو الخدمة دي موجودة .. كنت هامسك الموبايل

واحط الرقم واكتب

هو احنا تاريخنا صحيح ؟؟ مش متزور يعني ؟؟ يعني الأبطال أبطال بجد ولا أبطال من ورق ؟؟

مين تسبب في إسقاط الخلافة العثمانية ؟ مين ورا حركة انفصال أرض الحجاز عن كل الخلافة العثمانية ؟؟

مين باع فلسطين ؟؟ مين باع الجولان ؟؟ وايه هو التمن ؟؟ حكامنا دول مين نصبهم حكام أصلا ؟

اممم جمال عبد الناصر كان بطل بجد ؟ الملك فاروق كان وحش ؟ زي ماكانوا بيحكوا في الأفلام وفي الحكايات ؟؟

مين الي ضغط على السادات علشان يعمل سلام بعد ماكان بطل الحرب ؟؟دول الخليج ؟؟ مين الي ساعد في حرب العراق ؟؟

احنا ليه كده ؟؟ ليه لما بنعوز حاجة أمريكا لازم تتكلم وإسرائيل لازم تبدي رأيها واوروبا تحشر مناخيرها ليه ها ليه ؟

مين واقف ضد ثوراتنا ؟ مين واقف ضد محاكمة مبارك ؟؟ بن علي ليه اختار السعودية بالذات ؟؟ وليه السعودية مش عايزة تسلمه مع انه محكوم عليه غيابيا وهو من حق الشعب التونسي يتصرف فيه ؟؟ الإمارات مالها ومال الثورة المصرية ؟؟ حاشرة مناخيرها ليه ؟؟ مين واقف زي الحجر ضد الثورة اليمنية ؟؟ الشعب اليمني اتبح صوته له اكتر من خمس شهور اررررررررحل وفي حد لطخ مابيفهمش غير عبري واقف في النص وسادد ودن علي صالح ؟؟

هل بس الإسرائيليين هم الي مابيفهموش غير عبري ؟؟

اصل احنا اكتشفنا ان حسني مبارك كمان مابيفهمش غير عبري .. مين الي واقف مع القذافي ؟؟ كتايب القذافي دي ليه مابتخلصش بالرغم من ضرب النيتو وضرب الثوار ؟؟ مين حول ثورة ليبيا لحرب ؟؟

مين واقف مع العيل الي اسمو بشار ؟؟

مين .......... >>مشفررر

وهل ..........>>مشفرر فعلا يهوود ؟؟

وامتى هيحصلهم زي ماحصل لاخواتهم ؟؟

أسئلة كتيررررر